PM సూర్య ఘర్ ముఫ్త్ బిజ్లీ యోజన కింద.

2024-25 మధ్యంతర బడ్జెట్‌లో ఆర్థిక మంత్రివర్యులు ఒక కొత్త రూఫ్‌టాప్ సోలార్ పథకాన్ని ప్రకటించారు. ఆ ప్రకటన అనంతరం, 2024 ఫిబ్రవరి 15న ప్రధాని శ్రీ నరేంద్ర మోదీ గారు PM సూర్య ఘర్ ముఫ్త్ బిజిలీ యోజనను ప్రారంభించారు. ఈ పథకం ద్వారా దేశవ్యాప్తంగా 1 కోటి గృహాలకు రూఫ్‌టాప్ సోలార్ ప్యానెల్లు ఏర్పాటు చేసుకునేందుకు ప్రభుత్వం నుండి సబ్సిడీ రూపంలో మద్దతు లభిస్తుంది.

ఈ పథకం గృహ వినియోగదారులు తమ ఇంటి పైభాగంలో సోలార్ ప్యానెల్లు ఏర్పాటు చేసుకొని స్వయంగా విద్యుత్ ఉత్పత్తి చేసుకునేలా చేయడానికి రూపుదిద్దుకుంది. దీని ద్వారా వారు గ్రిడ్‌పై ఆధారపడాల్సిన అవసరం తగ్గుతుంది మరియు నెలవారీ విద్యుత్ బిల్లులు కూడా తక్కువవుతాయి. ఈ పథకం కింద, కేంద్ర ప్రభుత్వం ఇన్‌స్టాలేషన్ ఖర్చులో గరిష్ఠంగా 40% వరకు సబ్సిడీ అందిస్తుంది. ఈ సబ్సిడీ నేరుగా లబ్ధిదారుల బ్యాంక్ ఖాతాలో జమ చేయబడుతుంది. అంతేకాక, ప్రజలపై ఆర్థిక భారం తగ్గించేందుకు అత్యంత తక్కువ వడ్డీతో బ్యాంక్ రుణాలు కూడా అందుబాటులో ఉంటాయి.

ఈ పథకం ప్రధానంగా పేద మరియు మధ్యతరగతి కుటుంబాలకు ఎంతో ఉపయోగకరంగా ఉంటుంది. ఇది దేశవ్యాప్తంగా వారికీ ప్రతి సంవత్సరం సుమారుగా ₹15,000 నుండి ₹18,000 కోట్ల వరకు పొదుపు చేయగల అవకాశాన్ని కలిగిస్తుంది. ఇంటికి సోలార్ ద్వారా ఉత్పత్తి అయిన విద్యుత్‌ను వినియోగించుకోవడంతో పాటు, మిగిలిన విద్యుత్‌ను DISCOM (విద్యుత్ పంపిణీ సంస్థలకు) అమ్మడం ద్వారా ఆదాయం కూడా పొందవచ్చు. అంటే ఉచితంగా విద్యుత్ పొందడమే కాకుండా, అదనంగా డబ్బు సంపాదించే అవకాశం కూడా ఉంటుంది.